【干戈】
「咪忍佢啦，咁佢都得？結婚無耐就咁，實係有第二個啦。你忍？點忍過世呀？佢以前大把女，你唔係初戀啦，我覺得佢唔係真係咁愛你囉。男人呢，一定要比下馬威佢，今次一定有女人啦！一於執嘢同bb過黎我到，佢唔係我門口跪低求你，都唔好返去啦！」X說。
「我都覺得唔可以忍囉今次。好啦，我執嘢過黎，可能住幾日啦，ok？」聽了女友人X的提議，心中依然怒不可遏的小W，決定帶bb離開丈夫一陣子。
其實兩公婆嘈吵嗌交，自然不過， 何況只是一對結婚不久的年輕夫婦呢？
只是這次，太太真的覺得丈夫不夠愛她。怎樣計算愛得夠不夠？ 沒有人知道，你和我也不知道，那總是一種無法量化的感覺。
「你去咗邊呀？ 咁小事，唔使走咗去，搬去人哋度住，係咪呀？又咩女人...無女人呀！跟本就無。」火爆的呀通放工回家，看不見太太，心裡著急，四處打電話，找電話簿、記念冊，終於知道小W搬到X家中，住幾天。
「我知你哋喺藍田，我而家就過嚟接你， 跟我返屋企啦，好冇？」 即使已經零晨兩點半，呀通依然堅持要去藍田X的家中，把小W與bb接回家裏來。
到了藍田，呀通直奔大廈，心想只要能夠與妻子見面，自然能夠冰釋，「幾樓呢幾樓呢？」呀通心急地，在大堂門前叫嚷著。
電話再次接通：「喂，我係你地樓下，你係幾樓呢，我而家上黎接你......咩唔見住......我而家上黎，幾樓呀？！我地返去慢慢傾好無？......咩唔好？點會唔好......」
心急的呀通，開始走上樓，逐家逐戶拍門，希望找到太太。不過，深夜3時，拍門大叫，怎會不擾民？開始有住客打電話報警，也有住客致電樓下保安，希望有保安上來處理。
「先生？你係咪住客？唔係唔該請你離開。而家夜晚3點，你咁噪，會影響其他人，唔該你離開。」保安看到呀通，把他帶往大堂，阻止他大叫大嚷，開始請他離開。
「我上去接我老婆呀，關你乜事呀？！」
「咁你太太係咩單位呢？」保安一問，呀通更加啞口無言，因為他真的不知道，太太友人X的住址。
「講唔出，請你先離開。」保安開始作勢推呀通出大堂外。被保安一推，本來已經年少氣盛的呀通，如今又碰上太太的事，相當心煩，這時被人推撞，動手難免。一個轉身，用力推回去，並隨手拿起旁邊寫著「小心地滑」的黃色膠牌，拋向保安室的玻璃窗。
保安上前動手按著，想要控制呀通，呀通搶走保安室的刀，指著那位保安員，「你咪推我呀，你㗎！」。
你推我撞，呀通箍著保安員的頸，手上拿著美工刀。由於之前已經有住客報了警，就在這時，剛好有兩名警員來到，推開大堂玻璃，便看見呀通持刀指嚇脅持保安。
「喂！咪郁，冷靜啲，放低刀！」警察擔心呀通會持刀攻擊保安，所以左手指著呀通的同時，右手已經放左槍袋上，並已打開槍袋的鈕扣。
「呀通！」原來太太的朋友知道事態嚴重，通知了小W，在女警陪同下，帶了小W下來大堂。
當呀通看見小W，心中所有怒氣都全消了，馬上奔向她，想要好好抱著太太，冰釋前嫌。小W也都流下淚，站在女警後面的她，等候呀通過來的擁抱。
女警看到呀通奔過來，往後退一步，冷不防小W就站在那個位置，結果一個踏空，兩個都倒了在地上。
「喂！你企係到，咪衝過去！」
砰！砰！砰！
突然出現三下槍聲，接下來的是：所有人驚呆，呀通倒下，小W尖叫......
「佢當時揸住刀，衝埋去個女仔同個女伙記到，我覺得佢想襲擊佢地，距離咁遠，當然要開槍阻止......」兩名開槍警員在死因庭上作證時說。
法醫指出，兩名警員共開三槍，當場擊斃呀通，前額及喉嚨各中一槍。其中前額一槍，子彈在三米距離射入，料一槍致命。
.
.
.
這不是故事。
除了對話、場景有所改編，其餘一切也都真實發生過。
這是一宗發生在2014年5月5日凌晨3時，香港九龍藍田康雅苑的悲劇。
Search